Abşeron Olimpiya İdman Kompleksində Yunan Roma və sərbəst güləş üzrə yeniyetmələr arasında “Sabahın ulduzları” turniri keçirilib. İki gün davam edən və paytaxt, region idmançılarının qatıldığı yarışda Naxçıvan Muxtar Respublikasından 1 məşqçi, 1 hakim və 5 idmançı iştirak edib.

Təmsilçilərimizdən Hüseyn Rəcəbli 65 kq çəki dərəcəsində üçüncü yerə sahib çıxıb. Bundan əlavə, Nihad Muradov bir neçə görüşdə hakimlik edib.