Sentyabrın 10-da Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin əməkdaşı Günay Nəzərova könüllü gənclər üçün “Motivasiya – uğura gedən yol!” mövzusunda təlim keçib.

Naxçıvan şəhərində təşkil olunan təlimdə motivasiyanın şəxsi inkişaf və karyera yolundakı əhəmiyyəti, pozitiv həyat tərzi və uğur strategiyaları barədə fikirlər diqqətə çatdırılıb. İştirakçıların motivasiya ilə bağlı yanaşmasını öyrənmək və onlara komanda ruhu aşılamaq üçün sorğu aparılıb, kollektiv iş, kreativ düşüncə və problem həll etmə bacarıqlarını inkişaf etdirən oyun təşkil olunub. Gəncləri maraqlandıran suallar ətraflı şəkildə cavablandırılıb, mövzu ətrafında müzakirələr aparılıb.

Qeyd edək ki, təlim proqramının davamında gəncləri layihələrin idarə edilməsi və sosial şəbəkələrdə brendinqlə bağlı təlimlər gözləyir.