Yüksək reytinqli şahmatçıların mübarizə apardığı "A" qrupunda yarışan zəka sahiblərimizdən Beynəlxalq qrossmeyster Urfan Sevdımalıyev və Beynəlxalq Usta Pərviz Qasımov 3-8-ci yerləri bölüşüblər. Qadın FIDE Ustası Nəsrin Babayeva qadınlar arasında 3-cü yerə sahib olub. Şərur şahmatçısı Xatun Nəcəfova isə "B" qrupunda 3-cü olub.

Bu yaxınlarda keçirilən Malatya turnirinin qalibi olan Avropa çempionumuz Yasin Əzimov (10 yaş) və Lətif Muradlı (12 yaş) budəfəki yarışın da qalibi olublar. Uğur Qəribli 8 və Xanım Rzayeva isə 10 yaşlılar arasında 3-cü olublar. Adıçəkilən şahmatçılarımıza təşkilatçılar tərəfindən kubok, medal və pul mükafatı ilə qiymətləndiriliblər.

Əlavə edək ki, digər təmsilçimiz Mirsaleh Seyidli Mirsaleh beynəlxalq reytinqini 77 vahid artıraraq 2000-lik normanı keçərək ustalığa namizəd (CM) adını qazanıb.