Naxçıvan Muxtar Respublika Stadionu 18 may 1967-ci ildə istifadəyə verilmişdir. Burada karate-do, bədii gimnastika, futbol üzrə bölmələr fəaliyyət göstərir. Stadionda ölkə kuboku, ölkə superkuboku, Premyer Liqa və I Divizion oyunları, “Heydər Əliyev Kuboku” uğrunda turnirlər, ölkə və beynəlxalq səviyyəli yarışlar və tanınmış incəsənət xadimlərinin konsertləri keçirilib. “Araz – Naxçıvan” PFK ev oyunlarını məhz mərkəzi arenada keçirir. Naxçıvan Muxtar Respublika Ümumi sahəsi 16778 m² olan stadionun eni 68 metr, uzunluğu 108 metrdir. 12800 nəfərlik tamaşaçı tutumuna malikdir.  İnzibati binada 13 xidməti otaq, idman zalı, bufet, o cümlədən hər birində 8 duş kabinəsi olan 2 soyunub-geyinmə otağı var. Stadionda 2000, 2013 və 2022-ci illərdə yenidənqurma və təmir işləri aparılıb.